IKKI FAI DAS SÚAS!

Menudo lío montou Ikki nas aulas de infantil. Moveu as mesas, tirou as cadeiras, exparciu a froita polo chan, revolveu o material... É un liante e alá onde vai descoloca e desordena todo o que toca.


Así que tocounos a nos recoller e organizar todo. Empezamos polas mesas, as cadeiras e as cousas de clase e rematamos organizando os debuxos dunha historia. Unha vez organizados os debuxos, cada quen contou a súa historia.

A canción de hoxe foi un xogo coas vogais:

Cando Baloo na selva comeu un platano.

Canda Bala na salva camaa an platana

Qende Bele ne selve qemé en pletené

Xa sabes como continúa, non si?

O premio a tanto traballo foi un novo autocolante para o noso carné de Magas e Magos da selva.

OS RONQUIDOS DE BALOO

Como roncaba Baloo hoxe cando chegamos a clase!! Non eramos quen de espertalo. Ao final tivemos que cantarlle a canción de espertar... dúas veces!!!! Menudo dormilón.

Cando espertou, deunos unha clase sobre as leis da selva e como hai que falarlle a cada un dos animais que nos atopemos:

                       Falar da serpe: Sssssss

                       Fala da abellas: moi baixiños, case un susurro.

                       Ikki: da as ordes ao revés.

                       Fala do morcego:fala cos ollos fechados.

                       Fala do milano: fala coa vogal i

                       Elefantes: fala coa vogal u.

                       Monos (Bandar-Lor): con voz aguda e chillona.

                       Chacais: con voz forte e ronca.

Despois tivemos que adestrar moi ben os oídos porque se escoitabamos unha palabra co son S tiñamos que reptar como unha serpe, e se escoitabamos unha palabra co son Z tiñamos que roncar como Baloo. O certo é que o fixemos moi ben.

MOWGLI TEN QUE SUPERAR UNHA PROBA

Para ser aceptado na manada dos lobos, Mowgli debe pasar unha proba e nos temos que axudarlle.

A proba consistiu en levar unhas pedras dende a beira do río ata a cova de Akela, o xefe da manda, pero coa única axuda dunha palliña....si, si, si,...aspirando o aire por unha palliña. Ao final, entre todas e todas conseguimos superar a proba.

O premio de hoxe foi o carné de Magos e Magas que apareceu na clase no saco da Maga da Selva. Se imos superando as diferentes probas, acadaremos as pegadas necesarias para encher todo o carné e convertírmonos en verdadeiras Magas e Magos da Selva!!!

A ESCURAS

A aventura de hoxe tivo lugar na cova de Mowgli, totalmente a escuras! A única luz era a dunhas candeas que iluminaban un chisco o lugar. O primeiro que fixemos foi soprar as candeas e, claro, quedamos totalmente a escuras. Ningún de nós tivo medo porque cantamos a

nosa canción para espantalo....que valentes somos!!

No medio da escuridade, tivemos que atopar as letras M que estaban espalladas pola nosa alfombra.

Como fixemos todas as probas moi ben, cantamos a canción das celebracións:

Aram sansan

Aram sansan

Buli buli buli buli

Aram sansan

A letra non é nada difícil de aprender e o baile resultou moi divertido.

ENTRAMOA NA COVA DE MOWGLI

Hoxe visitamos a cova de Mowgli, onde vive coa súa nai Raskha e os seus irmáns lobeznos.

Dentro atopamos tarxetas con fotos dos animais da selva e tivemos que escoitar con moita calma e descubrir os que levan o son M no seu nome. Seguimos adestrando o noso oído descubrindo cal era o animal que se escoitaba pola aula.

Tamén comezamos o  noso libro da selva personal e coloreamos a lámina de Raskha. Podedes ver a nosa aventura completa nas fotos de abaixo.

COMEZAMOS A NOSA AVENTURA POLA SELVA

Esta semana tivemos unha visita inesperada no cole: Mowgli. Deixounos unha mensaxe explicándonos que vive na selva cunha familia de lobos e cos seus amigos Baloo e Bagheera. Deixounos as pezas dun puzzle e fixemos un mural da selva.

Convidounos a acompañalo nas súas aventuras pola selva e, por suposto, dixémoslle que si.

FINAL DA VIAXE

Chegamos xa ao final da nosa viaxe pola selva.
Fumos quen de superar todas as probas e aprendemos moitísimas cousas e, sobre todo, completamos o noso carné de Magos e Magas.Así que a nosa amiga a Maga da Selva deixounos uns diplomas que nos acredita como tales.

Ademais, rematamos o noso particular libro da selva coa fichas que coloreamos ao longo do curso.

AS PROBAS DA SELVA

Esta semana tivemos que superar máis probas para atopar as pezas dun puzles e compoñelo despois na aula: soprar as candeas, fixemos burbullas, pensamos palabras con diferentes sons, falamos en susurro e agarramos un lápiz co beizo superior mentras nos movemos polo patio... todo un reto!!

E o premio final foi un novo autocolante para o noso carné de magas e magos da selva... e só nos queda por conseguir un máis!!!!!

RIKITIKITABI

Hoxe visitounos o Rikitikitabi, un avestruz que fala dun xeito extraño: comeza todas as palabas con "RE"... Reentendes? 

Esta nova personaxe axudounos a discriminar palabras con erre forte e suave, primeiro cunhas fotos de obxectos e despois saltando como ras ou acariciándonos a cara segundo o que escoitáramos.

BALOO TEN FAME

Hoxe Baloo tróuxonos un poqueno banquete ata clase: nubes, linguas de gominola, galletas e auga. Con estas comidas vimos cales son duras e cales son brandas, cales son doces e cales son salgadas... E claro, antes de comelas fixemos exercicios con elas. Pasámolo moi ben e gostamos moitos do convite.

VISITA DA MAGA DA SELVA

Por fin!!!! A Maga da Selva veu visitarnos!!! O certo é que costoulle convencérrmonos de que non era María, porque parecer parécense moito, pero por algo son supercurmás...

Chegou de súpeto... sen avisar... Fixo un truco de maxia e cambiou a cor da auga: azul, amarela, bermella e repartiu unhas pedras do comportamento, que cambian de cor cando nos portamos mal... e adiviñou quen foi o que se portou mal esta semana... menudas caras que lles quedou aos pobres!!!

GINKANA DA SELVA

Menudo xogos que fixemos hoxe!!! En realidade foron 5 xogos, porque tivemos que superar cinco probas para buscas as cinco pezas do noso puzzle.

Dixemos palabras con M e buscamos as pezas pola clase; movemos papeis cunha palla e bucamos as pezas polo patio traseiro; fixemos mímica facial e buscamos pola clase de María; fixemos pompas de xabón e buscamos pola entrada do cole e, para rematar, fixemos cadenas de palabras e buscamos polo patio dianteiro do cole. Ao final compuxemos o puzzle e pegamos todas as pezas. 

IKKI VOLVE AS ANDADAS

Ikki volveu a facer das súas e descolocouno todo, incluso a nos.

Amosunos fotos de animais moi raros, porque tiñan cabeza dun animal e o corpo doutro... nos tivemos que porlles nome: paxacan (cabeza de paxaroe corpo de can), porcato (cabeza de porco e corpo de pato).

Despois fixemos un xogo para colocar as nosas caras nun puzle.

Para poder xogar nas casa, velaí van os xogos da clase de 4 anos A

e 4 anos B

O XOGO DA SELVA

Esta semana xogamos ao xogo da selva, un xogo moi semellante ao da oca pero cos personaxes da nosa selva. 

Para segui o camiño tivemos que facer burbullas, mover os papeis aspirando por unha palliña, recoñecer obxectos polo tacto ou seguir un camiño cos ollos pechados pero escoitando as instrucións dos nosos compañeiros e compañeiras. 

Ao final, fumos quen de chegar ao final e acadamos un novo autocolante para o noso carné de magas e magos da selva.

OA ELEFANTES MARCAN O RITMO

Hoxe marcamos o ritmo cos elefantes da selva movéndonos pola clase: despacio... deprisa... deprisa... despacio... paramos...

Despois marcamos nos o ritmo falando na linguaxe da selva: susurrando como as abellas, haica atras como Ikki, con voz ronca como os monos, etc. E, como non, o remate foi colorear unha lámina dos portagonistas de hoxe, os elefantes... unha nova páxina para o noso libro da selva personal.

SHEERE-KHAN ANDA POLO COLE

Esta semana vimos o ollos bermello de Sheere-Khan unha chea de veces. Pero como sempre, cantamos a nosa canción para espantar ao medo e... adeus medo!!

O xogo que fixemos no obradoiro de linguaxe foi atopar quen de nos desapareceu na selva... si, si... fumos desaparecendo pola selva e quedamos atrapados no medio dos fentos, das rochas, e incluso no bandullo dun elefante.

Para rematar, coloreamos unha nova lámina para o noso personal libro da selva.

OS VOITRES

Hoxe atopamos unha nova mensaxe cando chegamos a clase.... duns novos personaxes da selva: os voitres.

Falan en rima e á mensaxe faltábanlle unha palabras que tivemos que adiviñar. Foi moi difícil pero conseguimos superar a proba e colorear unha nova lámina do noso libro da selva.

VOLVE KAA

A serpe Kaa volveu visitármonos esta semana. Xogamos con ela a facer o son do S con diferentes intensidades. Cando ela subía nós seseábamos en voz alta e cando baixaba seseabamos en voz baixa. Foi moi divertido, sobre todo porque a algúns escápaselles a lingua e fan o son do Z e non do S.

Ao final do xogo, Kaa estaba cansa e miramos diferentes imaxes nas que amosaba diferentes emocións: tivemos que adiviñar que lle pasaba, porque podía sentirse así e imitar esa cara nos mesmos.

Tamén construímos a nosa propia serpe con palabras encadenadas: casa - sapo - polo... Esto sí que foi difícil!!!!

A PROBA DOS BANDER-LOG

A Maga da Selva falou cos Bander-Log e accederon a liberar ao noso amigo Mowgli, pero antes tivemos que superar dúas probas. Na primeira tivemos que concentrarnos moitisimo e resolver unhas adiviñas.

A segunda proba consistiu en lanzar un dado ao aire e facer o que non dicía: buscar palabras con M, S, ou Z, imitar posturas coma nun espello, facer exercicios coa lingua ou soplar un muiño de vento.

Como fumos quen de superar todas as probas a Maga enviounos unha nova pegada para os nosos pasaportes; xa só quedan 4 para ser Magas e Magos da selva!!!!

Tamén coloreamos unha nova lámina para o noso libro da selva.

ATOPAMOS A KAA

Seguimos sen ter novas de Mowgli. A Maga da Selva díxonos que non nos preocupemos... que cos monos non lle vai pasar nada... pero temos que conseguir que conseguir que continue o seu camiño cara ó poboado dos humanos.

Mentras esperamos polo noso amigo, atopámonos un novo personaxe da selva: a serpe Kaa. A súa pel leva escritas S e Z para traballar eses dous sons. Tivemos que pensar palabras con S e palabras co son Z... Que difícil!

Despois tivemos que escoitar as palabras que nos dicía María: se tiña S había que reptar coma serpes... se tiña o son Z tiñamos que durmir... e se non tiña nen un nen outro son, quedabamos conxelados no sitio. Esta parte foi moito máis doada.

Xa para rematar, coloreamos a Kaa para incorporala ao noso propio libro da selva.

CAMIÑO DO POBOADO

Mogli comezou o camiño de regreso ao poboado dos humanos. Tal e como dixo Akela, o xefe dos lobos, Baloo e Bagheera acompáñano. O camiño é longo, atravesando toda a selva, surcando ríos, esclando montañas...
E xa xurdiu o primeiro problema: os Bander-Log, os monos xoguetóns, colleron ao noso amigo. Só queren coñecelo e xogar con el, pero non sabemos cando poderá retomar o seu camiño.
Hoxe,os monos, puxéronnos a primeira proba para recuperar a Mowgli: adiviñar os erros das súas frases. A ver que máis temos que facer!!!